Qaybta 1: Waqtiga iyo Hab-raaca Furitaanka

· - Madrasada Al-Taqwaa waxay furan tahay: 16:00 ilaa 18:00 (saacadda maxalliga ah).

· - Dhamaan ardayda iyo macallimiintu waxay si nidaamsan u galaan qolalka.

· - Waxaa la adeegsadaa Telegram iyo WhatsApp sida hab maamul iyo xiriir ah.

· - Ardayda ku sugan  Afrika waxaa lagala xiriiraa kaliya Telegram.

Qaybta 2: Xeerarka Maamulka iyo Anshaxa

· - Ardayga waa inuu xaadiro maalinkasta. Haddii uu maqnaado 3 maalmood oo isku xigta cudurdaar la’aan, wuxuu lumin karaa booskiisa.

· - Cudurdaar kasta waa in laga sii sheego ugu yaraan 3 qof, laguna qoraa si gaar ah – group-ka lama ogola in cudurdaar lagu soo qoro.

· - Kalimad khaldan, comment aan munaasib ahayn, ama hadal xun laguma qori karo sabuuradaha iyo guruubyada.

· - Guruub cusub laguma furi karo fasaxa la’aan ee macallimiinta, waana mamnuuc in guruubyo lagu dhigo xaflado ama wax kale oo aan oggolaansho loo hayn.

· - Arday lama tuuri karo guruub, lagumana dari karo walal kale ilaa fasax rasmi ah laga helo macallinka.

Qaybta 3: Xushmada iyo Wada Noolaanshaha

· - Qof walba waxa uu metalaa wanaag, haddii uu khalad galo, naftiisa ayuu masuul ka yahay.

· - Qof aan maamulka ka tirsanayn ma laha xaq uu arday ku canaanto ama wax kaga sheego mic ama qoraal public ah.

· - Qofkii laba arday is haysta kala dhex gala si uu u kala horkaco, dambi ayuu galay.

· - Qofkii qalad galo waa in uu si degan ula xiriiraa macalinka oo u sharxaa sababta.

· - Codadka macallimiinta iyo ardayda waa in si weyn loo ilaaliyaa, loogana fogaadaa in rag dhegeystaan codka haweenka.

· - Codadka guruubyada lama duubi karo oggolaansho la’aan, social media-na lama geyn karo.

Qaybta 4: Wacyigelin, Xadiis iyo Imtixaan

· - Waano, wacyigelin iyo duruus toos ah ayaa la bixiyaa bishiiba mar.

· - Juz kasta waxaa laga qaadaa imtixaan, sidoo kale arbacada waa maalin loo qoondeeyay kitaabka xadiiska.

· - Ardayda ay casharka ku adkaato waxaa loo sameeyaa dib-u-celin, waxaana loo dhiibaa macallin khaas ah.

· - Ardayda cusub waxaa loo bilaabaa Qaa'idada Nuuraaniya.

Qaybta 5: Habraaca Xadgudubka

· - 1 maalin cashar la’aan iyo cudurdaar rasmi ah oo uu bixiyo.

· - 3 maalmood cashar la’aan iyo warbixin qoraal ah oo ku saabsan sababta xadgudubka.

· - 1 isbuuc cashar la’aan iyo raalli-gelin buuxda.

· - Qofka qaladkiisu bato ama si ula kac ah u jebiya sharciga, wuxuu luminayaa booskiisa (Qolka "Jiirka" ayaa loo wareejin karaa).

· - Qofkii si cad uga hor yimaada nidaamka madrasada, waa laga saari karaa gebi ahaanba.